Аб нас

Установа аховы здароўя Мінскі гарадскі кілінічны анкалагічны дыспансер (МГКАД) cпецыялізаваная анкалагічная ўстанова Рэспублікі Беларусь, якая ажыццяўляе дыягностыку, хірургічнае, камбінаванае і Комплекснае лячэнне хворых з пухлінамі разнастайных лакалізацый, а таксама іх дыспансернае назіранне і рэаблітацыю.

У цяперашні час Мінскі гарадскі кілінічны анкалагічны дыспансер – моцная спецыялізаваная лячэбна-прафілактычная ўстанова, якая ўключае:

Cтацыянар мае ў сваім складзе:

• 360 хірургічных ложкаў,
• 140 радыялагічных,
• 90 хіміятэрапеўтычных,
• 24 ложкаў аддзялення анестэзіялогіі і рэанімацыі,
• 30 ложкаў для рэабілітацыі пралечаных анкалагічных хворых

У дыспансеры ў год выконваецца больш за 10000 у тым ліку 440 высокатэхналагічных і 2500 складаных хірургічных умяшальніцтв. Гэта аперацыі на страўніку, кішачніку, лёгкіх, органах міжсцення, нырках, наднырачніках, мачавіку, жаночых і мужчынскіх палавых органах, малочнай залозе, шчытападобнай залозе, мяккіх тканках, лімфатычнай сістэме і іншых лакалізацыях пухлінаў.

На базе ўстановы функцыянуе рэспубліканскі цэнтр пухліннай паталогіі шчытападобнай залозы, у якім аказываецца высокакваліфікаваная дапамога грамадзянам РБ і замежнікам з пухлінамі шчытападобнай залозы.

Каля 33000 пацыентаў атрымліваюць хіміятэрапеўтычнае і больш за 40000 промневае лячэнне з выкарыстаннем дыстанцыйнай і ўнутрыполасцевай гаматэрапіі, брахітэрапіі, кароткафокуснай рэнтгенатэрапіі і лячэнне радыёізатопамі.

Абсталяванае сучаснай дыхальнай і наркознай апаратурай аддзяленне рэанімацыі актыўна садзейнічае спрыяльным зыходам у самай складанай катэгорыі хворых.

Дыягнастычныя аддзяленні маюць сучаснае абсталяванне: два кампутарных тамографа GE Optima; магнітна-рэзанансны тамограф Optima 1,5Т; мамограф з магчымасцю томасінтэзу GE MS; ультрагукавыя апараты экспертнага класа. Аддзяленні промневай тэрапіі абсталяваны лінейнымі паскаральнікамі Versa і Infinity з магчымасцю радыёхірургіі.

Клініка-дыягнастычная, цыталагічная і марфалагічная лабараторыі поўнасцю забяспечваюць патэбы клінікі ў экстранай і планавай лабараторнай дыягностыцы.

На працягу 2018 г. укаранёна больш за 20 відаў новых метадаў і методык лячэння злаякасных новаўтварэнняў, у тым ліку прывентыўная тырэаідэктамія ў носьбітаў гена медулярнага рака шчытападобнай залозы, выяўленне строжневага лімфавузла з выкарыстаннем навігацыйнай сістэмы інтрааперацыйнай дыягностыкі, усе віды эна- і экзагеннай мамапластыкі пры аперацыях на малочнай залозе, больш 10 новых методык хіміятэрапеўтычнага і промневага лячэння.

27.12.2017 г. уведзены ў эксплуатацыю радыялагічны корпус, які мае сучаснае абсталяванне. У 2018 г. працягваліся працы па аб'екце «Мадэрнізацыя карпусоў УАЗ Мінскі гарадскі кілінічны анкалагічны дыспансер з будаўніцтвам новага радыялагічнага корпуса, а менавіта пачата 3Б чарга рэканструкцыі, у цяперашні момант узведзена 4 паверхі новага корпуса, ідзе ўзгадненне пераліку медыцынскага абсталявання.

У рамках бягучага ремонту працягваюцца планавыя рамонтныя працы ў структурных падраздзяленнях дыспансера (аддзяленне рэабілітацыі, аддзяленне практалогіі і г.д.), завершаны рамонтныя працы ў 2-х аперацыйных залах 3-га корпуса.

Усё абсталяванне, якое ўсталявана пры будаўніцтве новага 6-га корпуса (уведзены ў эксплуатацыю 27.12.2017 г.), засвоена, аддзяленне ядзернай медыцыны выйшла на праектную моц і працуе ў поўным аб’ёме.

Працягнута праца па ўдасканаленню ранняй дыягностыкі злаякасных новаўтварэнняў і скрынінгавыя мерапрыемствы.

Нашы перавагі

На базе анкадыспансера працуе:

• кафедра анкалогіі БДМУ,
• кафедра ультрагукавай дыягностыкі БелМАПО,
• Рэспубліканскі навукова-практычны цэнтр пухлінаў шчытападобнай залозы,
• гарадская анкаМРЭК.

МГКАД з’яўляецца базавай ўстановай медыцынскага вучылішча павышэння кваліфікацыі сярэдніх медыцынскіх працоўнікаў